Published On:2014/06/25
Posted by alialsayed
بيت العائلة
بيت العائلة
زمان كنا بنعيش مع بعض كأسرة واحدة فى بيت بسيط بالطوب اللبن كنا أولاد أعمام مع بعض مفيش فرق بين واحد والتانى , كان فى احترام متبادل .
ولما يكون عند واحدة شغل وهى مشغولة أى واحدة تانية تقوم به مش لحاجة إلا أنها بتحبها وعايزة تساعدها .
وكان العم الكبير هو المسؤل عن أمور الأسرة ويتولى شؤنها .
كان فى عطف بجد وحب بين الناس سواء من القريب أو البعيد . الكبير بيخاف على الصغير ويعطف عليه زى ابنه تمام والصغير يحترم الكبير ويطيعه .
أما الجيران لو كان الجار عنده أي حاجة حتى الراديو يطلعه للشارع كله يسمعوه مع بعض لأنه كان غير شائع وقتها ويتجمع حوليه الأهل والجيران كانهم فعلا عيلة واحدة . كان فى لمة حتى فى شرب الشاي أو الأكل كان بجد فى حب .
فانا أتمنى زى كل الناس بتتمنى أننا نرجع زى زمان نحب بعض ونساعد بعض الكل عايز الحب والخير .
ودعوتى لكم أننا نعلم أولادنا الحب وأننا نساعد بعض من غير ما نستنى أجر لمساعدتنا ......ويا رب رجع أيامنا الجميلة تانى .
