Published On:2015/01/26
Posted by Unknown
حصريا الأنابيب في مصر مش زي عند أي حد تاني
اهلا بمتابعين "في مصر" اليوم بعد غياب طويل قررت أن اعود بقضية جديدة علي موقعنا قديمة على شعبنا "المصريين" فقط طبعا وهذا حصري للشعب المصري!لا تتعجبون فالقضية اليوم يعاني منها الجميع في مصر حتى من له واسطة او كما نقول في مصر "كوسة". اذا ما القضية؟
القضية اليوم هي ازمة البوتاجاز، الناس ستقول اذا ما الجديد؟ هذا الموضوع قديم من ايام الفراعنة، هنقول عادي ولكن احببت ان اطرح المشطلة بمنظور جديد او حتى برأي جديد، خاصة بعد تغيير أكثر من رئيس.
كل رئيس جديد يحكم البلد يقول ان ايامه ستكون افضل، طيب انا ليس لي في السياسة او على الاقل هناك من يفقه عني في السياسة. ولكن الشعب ليس له في السياسة لان كل الشعب ليس سياسي.
الان في مصر اذا احتاجت اسرة ما انبوبة بوتجاز اول حاجة سعر الانبوبة كام؟
السيد الوزير وزير التموين طبعا قالنا ان سعر البوتجاز 8 جنيه فقط...بعدما رفع سعرنا الرئيس الاخواني محمد مرسي من 5 الى 8 جنيه. اذا الحياة حلوة ومصر بخير، لحظة واحدة هذا السعر ليس النهائي! ولا تفهم ان في فصال "لان المصريين شطرين جدا في الفصال" ولكن هناك فقط 2 جنيه ثمن الشحن والمواصلات للسيارة النقل لكل انبوبة والسعر ثابت اينما كنت، وهذا ميزة طبعا يعني ممكن تنقل لاي مكان تحبه و2 جنيه ثابتين.
اذا ما المشكلة؟ عادي ان مجموع مادفعه هو 10 جنيه يعني حوالي 1.25 دولار والمبلغ ده اي طفل امريكي بأخذه من والده يشتري به بسكويت من المحل على اول شارعهم.
ويقول سيادة الدكتور الوزير ان سعر الانبوبة الواحدة سيزداد من 3 الى 5 جنيه على كل انبوب! وهذا سعر الشحن!
الشحن الاول كان وصول الانبوب لبلدك او مدينتك اما الشحن والتوصيل الثاني لمنزلك.
وبهذا ستكون الانبوب وصل سعرها من 13 الى 15 جنيه اي حوالي 1.5 الى 2.0 دولار امريكي.
المواطن المصري بيحب يعيش ولو وضعته وسط الاسود هيتصاحب معاهم ويعيش يعني زي مكان اعلان زمان بيقول "ضد الحشرة، ضد الفار..ضد المياه..ضد النار" بتكيف في اي وضع مهما كان وبتحمل ومبيشتكيش. وهذه ميزة مش موجودة عند اي حد الا المصريين وكام واحد من شعوب افريقيا.
اذا اين هي المشكلة؟ المشكلة ان المصري اصلا مش لاقي انبوبة او مش لاقي منفذ أو اجابة اخيرة مش لاقي مكان يملاله الانبوبة..يعني نقول مثال حقيقي ان في شخص بعد بحث طويل عن افضل واحد خدمة يعني اسرع، ومش مهم السعر ابدا، وافق طبعا هذا حسب رغبة كلا من العميل وصاحب المنفذ كل حاجة بالتراضي.
صاحب المنفذ هيقولك فود علينا بعد يوم او اثنين، وتخرج من عنده فرحان في قمة السرور لأنك هتستلم الانبوبة بعد 2 يوم وفي فرق بينك وبين اي حد ثاني، وكله هذا لان صاحب المنفذ يرفع شعار "لسنا الوحودون...ولكننا المتميزون"، واي حد يسأل المواطن عن انبوبته، يرد بافتخار انا بغيرها عند الاستاذ فلان وبأخذها بعد يومين.
المهم اليومين ينقضوا سريعا ويذهب هذا المصري لصاحب المنفذ ليأخذ الانبوبة، فيرد عليه صاحب المنفذ "والله الانابيب مجتش، معلش تعالى بعد يومين، انا اسف"
يخرج المواطن ويقول لنفسه مافيش حاجة نصبر كمان يومين، وبعدين الراجل كان مهذب وحلف، خلاص انا عندي انبوبة تانية وشغالة.
ويصبر المواطن اليومين ويعود لصاحب المنفذ ليسأله: الأنابيب اخبارها ايه؟ ويرد صاحب المنفذ محرجا ويقول: انا اسف بس والله العظيم الانابيب مجتش، ويرد المواطن ويقوله مجتش ازاي والناس غيرت انابيبها، اما صاحب المنفذ يقول: معلش تعالى بعد يومين ثلاثة كمان يمكن ربنا يسهل.
يخرج المواطن متضايق ويقول: لسه هصبر كام يومين ثلاثة، ولكن ما باليد حيلة، وليلة اليوم الثالث يسمع المواطن الانابيب في الشارع، ويقول لنفسه اخيرا الحمد لله بكره الانابيب، وينام ويحلم انه يطبخ حاجة في الفرن، لانه كان خايف يستعمل فرن البوتاجاز قبل ما يغير الانبوبة لانها ممكن تخلص عليه، ويكمل الشهر عيش وجبنة، وطبعا انتم عارفين ان لا يجوز ان المواطن يأكل اكثر من 5 ارغفة في اليوم وزن 90 جرام ويكون مستدير. هنخلي الخبز ليوم ثاني ان شاء الله...
المهم يقوم الصبح بدري حوالي الساعة 6 الصبح زي ما صاحب المنفذ قاله ويذهب ليحضر الانبوب، ولكن يقابله صاحب المنفذ ويقول: الانابيب لسه والله هعمل ايه؟ فيرد المواطن ويقوله: انا سمعها امس في الشارع!، ولكن يرد صاحب المنفذ ويقول يعتي انا كذاب الانابيب امامك فاضية. تعالى بعد ثلاثة اربعة ايام.
ويخرج المواطن وقد مر عليه اسبوع كامل بدون ان يحضر انبوبة، وتمر الايام ويزداد القلق الايام بتمر والانبوبة المستعملة عمرها بيقل، ويذهب بعد اربع ايام لصاحب المنفذ.
ويقول صاحب المنفذ: انا لسه متصل عليه "قصده الشخص الي بيجيب الانابيب من المخزن له" وقلته هذا مينفعش الناس تعيش ازاي؟ مفيش مسؤلية، وقالي انه هيجيبها بعد كام يوم، يرد المواطن ويقول: يا استاذ هذا مينفعش محتجين الانبوبة رجعها وخلاص وانا هتصرف، ويرد ويقول: تأخذها لا والله لا يمكن ولا ينفع معلش كام يوم وربنا يسهل، خلاص معلش علشان انا عندي شغل.
ويمشي المواطن ويصبر حوالي اسبوع ويعود مرة اخرى ويرد نفس الرد، المهم تمر الايام والليالي، ومفيش جديد ولكن لكل شي نهاية وللصبر حدود.
ينوي المواطن بعدما قاربت الانبوب الاخرى على الانتهاء الذهاب لصاحب المنفذ لييعنفه ويقرر انه يأخذ الانبوب منه بالادب او قلة الادب، ويذهب ويقوله فين الانابيب؟ انا بقالي 3 اسابيع 21 يوم رايح جاي ومفيش فايدة، ويرد ويقول: يومين ثلاثة بس وربنا هيحلها معلش بس والله ما انت واخد الانبوبة عيب لازم تأخذها مليانة.
يصبر المواطن كمان خمس ايام حتى لا يكون صاحب المنفذ له حجة.
ويقاله نفس الرد ولكن فجأة تحضر مواطنة من اصحاب النفوذ قليلا وتعنفه وتقوله: انا ساكته عليك وانا عارفه انك بتاخد الانابيب وتبعها لاصحاب المزارع والمحلات بسعر اغلى، بس والله ان مجبتش الانابيب مهخليك تبيعها تاني. وتسيبه وتمشي.
ملحوظة: هذه المواطنة لديها نفوذ او لها صله باحد موظفي مكتب التموين
وبعدما شاهد المواطن هذا العرض لا يجد صاحب المنفذ بد الا وان يعطيه الانبوبة، ويقوله تعالى بكرة بعد المغرب والشوارع فاضية، ومحسسك انه بيتاجر في المخدرات/ المهم يذهب المواطن ثاني يوم واخيرا يأخذ الانبوبة، ويقوله صاحب المنفذ أي خدمة اذا احتجت اي حاجة ثانية تعالى.
طيب بعد رحلة المواطن المصري مع الانبوبة، يرد عليه سيادة الدكتور الوزير ويقوله: انك ممكن تغير الانبوبة في يوم واحد بس، من المخزن وب 10 جنيه فقط لا غير.
ولكن انك اذا غيرتها من المخزن فانت لا تشجع على اتاحة فرص العمل لشباب الخرجين والجامعيين " يقصد سيادة الوزير الاشخاص الذين يبعون الانابيب على عربات " المهم، وبهذا سيساهم المواطن المصري في:
- ارتفاع نسبة البطالة.
- ركود الاقتصاد المصري.
- عجز الموازنة.
- زيادة عبء الدولة.
- حالات السرقة والمخدرات الناتجة عن البطالة.
- زيادة المشاكل بين الأسر المصرية نتيجة البطالة.
- زيادة العنوسة؛ لأن الشباب مش هتلاقي فلوس تتجوز.
- زيادة واردات مصر وعجز في ميزان المدفوعات؛ نتيجة استهلاك العاطلين للسلع دون انتاج سلع في المقابل.
- يساهم في تقليص حجم التجارة الداخلية؛ لأنه اذا ركب سيارة هيحتاج لميكانيكي يصلحها والميكانيكي هيحتاج قطع غيار، اما اذا كان راكب حصان فكان هيزور الطبيب البيطري باستمرار للتأكد من صحة الحصان.
- وغيرها
المهم المواطن يقول بقى انا لواحدي هعمل كل ده! ونسي ان هو والي زيه الي مبخفوش على مصر، كل واحد منهم بيقول الكلمة هذه وبيخربوا البلد.
ويذهب بعد كل هذا للمخزن علشان يغيرها، ولكن يقابل مفتش التموين في المخزن ويقوله انا عايز اغير الانبوبة، فيرد المفتش ويقول مفيش تغيير من هنا يا سيد، غيرها من منافذ الانابيب او انتظر بائعي الانابيب حتى يمروا عليك وغيرها.
يرد المواطن ويقول الوزير قال اننا ممكن نغيرها من هنا، ويرد المفتش ويقول: مفيش تغيير من هنا يا سيد، غيرها من منافذ الانابيب او انتظر بائعي الانابيب حتى يمروا عليك وغيرها.
ويمشي المواطن على الرغم من ان جاره كان مغيرها امس من المخزن اذا كيف؟ "كوسة"
وبعد ثواني ينادي المفتش على المواطن تعالى هقولك انا هحاول اغيرهالك بس يارب ينفع، ويرد المواطن ويقول شكرا يا استاذ شكرا.
وهنا ينادي المفتش على احد بائعي الانابيب ويطلب منه ان يعطي المواطن انبوبة، ويرد البائع والله يا استاذ ممعيش. وطيب والانابيب المحملة على عربته! متفهمش.
ويرد المفتش ويقوله طيب من معه انابيب واخيرا يوصل لاحد البائعين ويطلب انبوبة، فيرد البائع ويقوله: علشان خاطرك بس يا استاذ هعطيك انبوبة من بتاعة بيتي لان انا ما معيش انابيب، مش مشكلة لو الانسان ماساعدش اخوه هتكون هذه دنيا، خذ الانبوبة.
ويدفع المواطن 10 جنيه حسب التكلفة لانه اخذها من المخزن، فيرد البائع ويقول: ايه ده يا استاذ؟ 10 جنيه ايه انا باخذ 15 جنيه مش كفاية الانبوبة كانت بتاعت بيتي، بس دي من المخزن؟، فيرد ويقول انت اخذتها الان من المخزن ولا مني؟ عايزها 10 ادخل خذها من المخزن.
ويدفع المواطن، ويسأل المفتش اخر سؤال، لو سمحت يا استاذ انتم كمفتشين تموين ليه متخرجوش وتراقبوا البائعين واصحاب المنافذ؟
ويرد المفتش بعصبية ويقول: انت يا محترم عايز واحد يضربني بسكين او مطواه هو انا مليش عيال روح يا استاذ، ناس عيزه تنام في بيتها واحنا نوصلهم حاجتهم لبيوتهم..
وبهذا تنتهي رحلة المواطن مع الانابيب، والقاكم في موضوع جديد ان شاء الله في "في مصر"
القصة المسردة واقعية
